मिति २०७५।०९।०३ गते न्याय परिषद सचिवालयद्वारा जारी गरिएको विज्ञप्ती
फाइल डाउनलोड गर्न यहाँ क्लिक गर्नुहोस्
विज्ञप्ती
आज मिति २०७५ साल पौष ३ गते न्याय परिषद र न्याय सेवा आयोगका सम्माननीय अध्यक्ष र माननीय सदस्यज्यूहरू, सर्वोच्च अदालत, उच्च अदालत तथा जिल्ला अदालतका माननीय न्यायाधीशज्यूहरू लगायतका विशिष्ट पदाधिकारीहरूको सहभागितामा २८ औं न्याय परिषद दिवश मनाइयो । उक्त अवसरमा उच्च अदालत र जिल्ला अदालतका उत्कृष्ट माननीय न्यायाधीशज्यूहरूलाई सम्माननीय प्रधान न्यायाधीश एवम् न्याय परिषद अध्यक्ष श्री ओमप्रकाश मिश्रज्यूले नगद र सम्मान-पत्रसहित दोसल्ला ओढाई सम्मान गर्नु भयो । पुरस्कृत हुनु हुने उत्कृष्ट न्यायाधीशहरूमा उच्च अदालततर्फ माननीय न्यायाधीशद्वय श्री द्वारिकामान जोशीज्यू, ( हालः विशेष अदालत) र श्री नारायणप्रसाद श्रेष्ठज्यू (उच्च अदालत जनकपुर राजविराज इजलास) तथा जिल्ला अदालत तर्फ माननीय न्यायाधीशद्वय श्री बज्रेश प्याकुरेलज्यू (महोत्तरी जिल्ला अदालत) र श्री चन्द्रमणि ज्ञवालीज्यू (डडेलधुरा जिल्ला अदालत) रहनु भएको छ । सोही कार्यक्रममा सम्माननीयज्यूले न्याय परिषदबाट प्रकाशित बुलेटिन (वर्ष १५ अङ्क १५) को सार्वजनिकिकरणसमेत गर्नु भयो ।